16:10 / 03.05.2022
Moti në dy ditët e ardhshme, temperatura deri 24 gradë celsius
Instituti Hidrometeorologjik i Kosovës (IHMK) ka njoftuar se të mërkurën dhe të enjten do të mbajë mot me diell dhe vranësira të shpërndara.
Temperaturat minimale do të lëvizin ndërmjet 4-6 gradë Celsius, ndërsa maksimalet e ditës parashihen të lëvizin ndërmjet 20-24 gradë Celsius.
Sipas institutit, do të fryjë erë e lehtë deri në mesatare nga drejtimi i juglindjes.
Ndërsa, temperaturat minimale do të jenë në dy qytete të vendit, Juniku dhe Dragashi me 4 gradë Celsius, ndërsa maksimalet me 24 gradë Celsius do të paraqiten në Gjakovë dhe Prizren.























