12:59 / 11.05.2022
Kuvendi i Kosovës nderon Xhevdet Pecin
B.Halimi / RTKlive
Deputetët e Kuvendit të Kosovës e kanë nderuar me një minutë heshtje ikonën e boksit kosovar, Xhevdet Peci, i cili para dy ditësh ndërroi jetë.
Ish-boksieri i famshëm kosovar i viteve 70 e 80-ta ka vdekur të hënën në moshën 67-vjeçare në SHBA, ku po jetonte tash e disa muaj.
Peci kishte lindur në Mitrovicë në vitin 1955, ndërsa ka qenë pjesë e gjeneratës së artë të Klubit të boksit Prishtina, duke qenë kampion i shumfishtë i Jugosllavisë.























