Bordi vendos të shpallë konkurs për Drejtor të Përgjithshëm të RTK-së
Foto:RTKLive
Në Fokus

Bordi vendos të shpallë konkurs për Drejtor të Përgjithshëm të RTK-së

RTKLive

Bordi i Radio Televizionit të Kosovës përmes një komunikate për media njofton se në mbledhjen e datës 17 maj, aprovoi rregulloren për procedurat e përzgjedhjes së Drejtorit të Përgjithshëm dhe Menaxhmentit të lartë të RTK-së.

Rregullorja përmban gjithsej 26 nene duke rregulluar dhe përcaktuar procedurat, kriteret, kushtet e veçanta, procedurat e vlerësimit dhe ato të intervistimit të anëtarëve të menaxhmentit të lartë nisur nga drejtori i përgjithshëm i transmetuesit publik, thuhet në njoftim.

Sipas Bordit ky dokument është hartuar nga një grup punues brenda RTK-së i krijuar për këtë qëllim dhe është shqyrtuar në disa takime nga Bordi i RTK-së. Gjithashtu, rregullorja iu është dërguar për komente shtesë palëve të interesit si sindikatave të RTK-së dhe organizatave të shoqërisë civile të cilat e monitorojnë punën e bordit.

Gjatë procedurës së shqyrtimit të rregullores, Bordi i RTK-së ka pranuar komente nga Lëvizja FOL dhe nga Zyra e përfaqësuesit special të BE-së në Kosovë, të cilat i ka shqyrtuar dhe disa nga komentet i ka përfshirë në rregullore në prani edhe të organizatave monitoruese.

Pas miratimit të Rregullores për Procedurat e Përzgjedhjes së Drejtorit të Përgjithshëm dhe Menaxhmentit të lartë të RTK-së, Bordi në këtë mbledhje ka marrë vendim për shpalljen e konkursit për Drejtor të Përgjithshëm të RTK-së.

Bordi e ka autorizuar administratën e RTK-së që ta shpallë konkursin për Drejtor te Përgjithshëm të RTK- së me datën 23.05.2022.


Bast-Trade
AlbiMall
Eurokoha
Vjosa