09:23 / 18.05.2022
Kosova pjesëmarrëse në `Ekspozitën botërore 2025` në Japoni
Afet BELA/ RTKlive
Gjatë një vizite pune në rajonin Kansai, në Prefekturën Osaka, Ambasadori i Republikës së Kosovës në Japoni Sabri Kiçmari është pritur në një takim të ngrohtë nga zëvendës Sekretari i Përgjithshëm për Osaka Expo2025, Ichinoki Manatsu dhe Fujitsuka Minoru, Drejtor Ekzekutiv për Osaka Expo2025.
"Ambasadori Kiçmari me këtë rast ka dorëzuar edhe formularin, kështu duke konfirmuar edhe zyrtarisht pjesëmarrjen e Kosovës në Ekspozitën Botërore që do të zhvillohet në Osaka në vitin 2025. Ambasadori Kiçmari i shoqëruar nga diplomati Arbër Mehmeti kanë parë edhe hapësirat në ndërtim e sipër ku do zhvillohet Ekspozia Botërore më 2025", njofton Ambasada e Kosovës në Japoni.

























