10:32 / 29.05.2022
Robertson për zhveshtoren e Liverpool pas ndeshjes: Ishte një vend i zymtë
Uran Krasniqi/RTKLive
Andrew Robertson e ka përshkruar zhveshtoren e Liverpoolit pas humbjes së finales së Champions League ndaj Real Madrid.
Sipas tij, ishte përvoja që e bëri dallimin mes dy skuadrave.
“Ata dinë të fitojnë finalet. Natyrisht që është e vështirë të rikthehesh në lojë kur luan kundër një ekipi me shumë përvojë në këto finale", ka thënë skocezi.
Robertson e ka vlerësuar edhe portierin e madrilenëve, belgun Thibaut Courtois.
"Ai bëri disa pritje të pabesueshme", ka thënë futbollisti i Liverpool.
Real Madrid me fitoren e mbrëmshme çoi në katërmbëdhjetë numrin e trofeve të Champions League, më shumë se çdo klub tjetër.























