Kombëtarja e Kosovës fluturon drejt Qipros
Uran Krasniqi/RTKLive
Kombëtarja e Kosovës pritet të ndeshet me Qipron më 2 qershor, në një takim që për Kosovën e hapë edicionin e ri të Ligës së Kosovës. Për këtë qëllim ekipi i Kosovës ka fluturuar të mërkurën drejt Qipros.
Federata e Futbollit të Kosovës ka publikuar një video ku shihen futbollistët kosovarë duke shkuar drejt shtetit i cili nuk e njeh republikën e Kosovës.
Por kjo nuk është e reja e vetme nga kampi i Kombëtares kosovare.
Mësohet se Mërgim Vojvoda për shkak të lëndimit nuk do të jetë i gatshëm ta ndihmojë Kosovën në këto katër ndeshje.
Paraprakisht nga skuadra u largua futbollisti Edvin Kurtulus, i cili la Kosovën pasi pranoi ftesë nga Suedia.
Në Ligën e Kombeve Kosova është pjesë e Ligës C, përkatësisht e Grupit 2, së bashku me Qipron, Irlandën e Veriut dhe Estoninë.























