09:33 / 02.06.2022
Ditë e ngarkuar në Ligën e Kombeve, kryendeshja Portugali-Spanjë
Uran Krasniqi/RTKLive
Një ditë e ngarkuar me ndeshje është ajo e sotmja sa i takon Ligës së Kombeve. Pritet të zhvillohen gjithsejt dhjetë ndeshje.
Kryendeshja i takon Ligës A dhe Grupit 2, ku takohen rivalët e vjetër Portugalia dhe Spanja. Në të njëjtin grup do të ndeshen edhe Zvicra me Çekinë.
Liga B, Grupi B, vjen me ndeshjen Izrael-Islandë. Grupi i 4 vjen me ndeshjet Serbi-Norvegji dhe Slloveni-Suedi.
Liga C, Grupi Grupi 2, vjen me ndeshjet Qipro-Kosovë dhe Irlandë e Veriut-Greqi.
Gri 4 nga kjo ligë vjen me ndeshjet Bullgari-Maqedoni e Veriut dhe Gjeorgji-Gjibraltar.
Liga D, Grupi 2, vjen me ndeshjen Estoni-san Marino.
Edicioni i ri i Ligës së Kombeve filloi me ndeshjen e mbrëmshme, ku Polonia triumfoi ndaj Uellsit.























