12:16 / 03.06.2022
ShSKUK përfundon ekzaminimet shëndetësore të kandidatëve për policë
Emine Hoti/RTKlive
Shërbimi Spitalor Klinik dhe Universitar i Kosovës ka përfunduar me sukses ekzaminimet sistematike mjekësore të kandidatëve për kadetë të rijnë të Policisë së Kosovës.
ShSKUK ka bërë të ditur se testimet psikologjike-mjekësore të këtyre kandidatëve janë kryer konform marrëveshjes që kishte ky institucion me Policinë e Kosovës.
“Ekzaminimet kishin nisur me datë 10 maj dhe kanë përfunduar me 2 qershor 2022, ku gjithsej janë ekzaminuar 522 kandidatë”, thuhet në njoftimin e ShSKUK-së .
Tutje në njoftim thuhet se në këtë proces ishin të angazhuar profesionistë të klinikave dhe shefat e shërbimeve nga ShSKUK/QKUK, specialistë të fushave të ndryshme, psikologë, laborantë e infermierë.























