Kush është Bajram Begaj, presidenti i ri i Shqipërisë?
Denion Ndrenika / RTK/ Tiranë
Gjeneralmajor Bajram Begaj u emërua Shef i Shtabit të Përgjithshëm të Forcave të Armatosura të Shqipërisë në korrik 2020. I lindur në 20 mars 1967 në Rrogozhinë, një qytezë e vogël rurale ndërmjet Kavajës dhe Lushnjëa, Bajram Begaj është i martuar dhe ka dy fëmijë.
Në vitin 1989, Gjeneralmajor Begaj kreu Universitetin Shtetëror të Tiranës për Mjekësi së Përgjithshme dhe u gradua oficer aktiv për “Mjekësi” në vitin 1998.
Përpara se të merrte detyrën e Shefit të Shtabit të Përgjithshëm, Begaj për tre vjet ishte komandantit i Komandës së Doktrinës dhe Stërvitjes.
Karriera ushtarake e gjeneralmajorit të dorëhequr si Shef i Shtabit, ka njohur pozita të ndryshme drejtuese dhe të tjera në Forcat e Armatosura.
Gjeneralmajori Begaj ka qenë:
-zëvendësdrejtor i Qendrës Spitalore Universitare “Nënë Tereza”;
-drejtor i Përgjithshëm i Spitalit Ushtarak Qendror Universitar;
-drejtor i Inspektoratit Shëndetësor;
-kryeinspektor dhe këshilltar i Inspektoratit Shëndetësor në Shtabin e Përgjithshëm të Forcave të Armatosura;
-shef i Njësisë Mjekësore Ushtarake dhe zëvendësdrejtor i Spitalit Universitar të Traumës.
Kualifikimet dhe specializimet e ndryshme Begaj i ka pasur për ushtrinë dhe mjekësinë brenda dhe jashtë Shqipërisë.
Begaj kreu Kursin e Lartë për Sigurinë dhe Mbrojtjen në Akademinë Ushtarake, Shkollën e Thelluar Pasuniversitare të Mjekësisë dhe specializimin pasuniversitar për Gastrohepatologji, në Fakultetin e Mjekësisë Tiranë.
Ka kryer disa kurse dhe specializimeve të ndryshme, përfshirë për menaxhimin spitalor dhe për lidershipin mjekësor strategjik në SHBA;
-Kursin e Lartë Ndërkombëtar të Menaxhimit të Mbrojtjes në Institutin e Menaxhimit të Burimeve të Mbrojtjes në Shkollën Pasuniversitare të Marinës në SHBA;
-Seminarin e Lartë Ekzekutiv pranë Qendrës “Marshall” në Gjermani.
Gjeneralmajor Begaj kreu “Doktoratën në Fushën e Mjekësisë” në Fakultetin e Mjekësisë dhe mban titullin “Profesor i Asociuar” në Mjekësi, ndërkohë që ka marrë medalje të ndryshme për arritje në karrierën ushtarake.























