20:04 / 21.06.2022
Osmani: Progresi i arritur sot, i një rëndësie vendimtare
F.Sertolli / RTKlive.com
Presidentja e Kosovës, Vjosa Osmani, ka reaguar pas arritjes së marrëveshjes për energjinë në mes të Kosovës dhe Serbisë.
E para e vendit me anë të një postimi në Twitter, ka thënë se progresi i arritur sot është i një rëndësie vendimtare, duke shtuar se Kosova ka treguar se është konstruktive.
Presidentja me këtë rast ka thënë se tani hapi kyç, është zbatimi i marrëveshjes.
“Progresi i arritur sot në dialogun Kosovë-Serbi përmes arritjes së marrëveshjes për udhërrëfyesin e energjisë është i një rëndësie vendimtare. Si gjithmonë, Kosova ka treguar të jetë konstruktive dhe e angazhuar në mënyrë aktive në këtë proces. Tani zbatimi është hapi kyç përpara”, ka shkruar presidentja Osmani.























