10:05 / 22.06.2022
Dortmund gjen zëvendësuesin e Haaland
B. Halimi / RTKlive
Borussia Dortmund nuk ka humbur kohë për të gjetur zëvendësuesin e Erling Haaland, i cili u transferua në Manchester City.
Gazetari i njohur italian, Fabrizio Romano, raporton se tashmë është arritur marrëveshja ndërmjet Dortmundit dhe Ajaxit për transferimin e Sebastian Haller.
Dortmund do të derdhë në arkat e Ajaxit 35 milionë euro, teksa edhe marrëveshja personale me lojtarin është arritur për shifrat e kontratës.
Së shpejti pritet që Haller t’i nënshtrohet testeve mjekësore dhe ta vë nënshkrimin në kontratë me klubin gjerman.























