Shqipëria rrit rrogat e ushtarëve për 30 përqind
Shqipëri

Shqipëria rrit rrogat e ushtarëve për 30 përqind

rtsh.al

Nga data 1 korrik të gjithë ushtarakët do kenë një pagë 30 % më të lartë. Është ky vendimi i marrë sot në mbledhjen e Këshillit të Ministrave. Ministri i Mbrojtjes Niko Peleshi bëri me dije para mediave se me vendimin e marrë nga qeveria, paga minimale në Forcat e Armatosura do jetë më shumë se 51 mijë lekë të reja.

‘Kemi marrë një vendim i cili është nJë vendim që nuk merret shpesh. Në 30 vite nuk ka pasur një vendim si ky që lidhet me trajtimin me pagë të personelit ushtarak. Rritje historike e pagës, jam krenar dhe mirënjohës që premtimi i kryeministrit është jetësuar. Të gjithë ushtarakët nga data 1 korrik do kenë pagë 30% më të lartë. Ç’ka do të thotë se, paga minimale në FA është më shumë se 51 mijë lekë të reja, shtuar këtu dhe paga shtesë të trajtimit ushqimor dhe trajtime të tjera sipas vështirësive. Kemi krijuar dhe një aneks, ku kjo kategori, merr shtesë mbi pagën shtesë. Si struktura ushtarake e mbrojtjes kibernetike, veç 30% do marr dhe 20 mijë lekë të reja shtesë. Shtesa kemi parashikuar edhe për funksione të tjera, të trupave komando. Trupave speciale, të mjekëve brenda FA, pra janë 38 pozicione që marrin shtesë mbi shtesë', tha Peleshi.


Bast-Trade
AlbiMall
Eurokoha
Vjosa

MË SHUME NGA Shqipëri