Therje me thikë në Prizren
Lajme

Therje me thikë në Prizren

F.Sertolli / RTKlive.com

Më 22.06.2022, rreth orës 19:30, ne Rrugën “Muharrem Hoxhaj”, në Prizren, është raportuar se ka ndodhur një rast “Lëndim i rëndë trupor (therrje me thikë).

Përmes një njoftimi nga Policia e Kosovës thuhet se patrulla policore ju ka përgjigj rastit dhe aty është kuptuar se pas një fjalosje dhe konfrontimi verbal, ka ardhur deri te përleshja fizike, ku dy të dyshuarit në vijim: R. B., i datëlindjes 1954 m/sh/k dhe A. Sh., i datëlindjes 1970  m/sh/k… dyshohet se kanë sulmuar viktimën (A.S.) rreth 50 vjeç. Në ketë rast dyshohet se i dyshuari R. B. e ka goditur me thikë në abdomen viktimën, duke i shkaktuar lëndim të rëndë trupor.

Viktima, sipas njoftimit të policisë,  është duke u trajtuar në spital dhe për momentin, sipas mjekut kompetent gjendja e tij është e rëndë.

“Patrullat policore, në koordinim me hetuesin kujdestar dhe prokurorin kujdestar,  janë duke ndërmarre veprimet e para hetimore lidhur me zbardhjen e rrethanave të rastit. Njësite policore gjate shqimit dhe këqyrjes së vendit të ngjarjes gjeten dhe sekuestruan në cilësinë e provave materiale:  Një gyp të metalit dhe një thikë”, thuhet në njoftim.

Në njoftim thuhet se në lidhje me veprimet policore është e njoftuar prokurori i shtetit dhe me urdhër të tij iniciohet rasti dhe dy të dyshuarit ndalohen për 48 orë. Po ashtu bëhët e ditur se rasti po hetohet nga  sektori rajonal i hetimeve.


Bast-Trade
AlbiMall
Eurokoha
Vjosa

MË SHUME NGA Lajme