Italia konfirmon mbështetjen për anëtarësimin e Shqipërisë në BE
ATSH
Kryetari grupit parlamentar të Partisë Socialiste, Taulant Balla, ka zhvilluar sot një takim në Kryesinë e Kuvendit me anëtarët e parlamentit italian Francesca Gerardi dhe Manuel Vescovi.
Balla e vlerëson vizitën e delegacionit italian si një vijueshmëri të marrëdhënieve të shkëlqyera midis dy institucioneve.
Në një postim në rrjetet sociale Balla shprehet se “në takim diskutuam për mbështetjen e vazhdueshme të Italisë ndaj politikës së zgjerimit të BE-së dhe në veçanti për rolin e saj proaktiv në përkrahjen dhe mbështetjen e anëtarësimit të Shqipërisë në BE”.
“Gjatë takimit vlerësova vizitën e delegacionit italian si një vijueshmëri të marrëdhënieve të shkëlqyera midis institucioneve tona, të cilat duhet të forcohen mes komisioneve parlamentare dhe Grupit Parlamentar të Miqësisë Shqipëri-Itali”, tha Balla.























