Moti sot në Shqipëri
Shërbimi Meteorologjik Ushtarak bëri të ditur se për ditën e sotme vendi ynë do të jetë nën ndikimin e masave ajrore të paqëndrueshme dhe të lagështa.
Moti parashikohet me vranësira mesatare dhe të dendura si dhe intervale të herëpashershme dhe afatshkurtra me diell. Në orët e para të 24-orëshit reshje shiu të herëpashershme me intensitet të ulët fillimisht në jugpërëndim e gradualisht reshjet e shiut do të shtrihen edhe në pjesën tjetër të vendit.
Në zonën e qendrës dhe veriut në periudha jo afatgjata reshjet me intensitet të lartë në formën e rrebesheve dhe stuhive shoqëruar me breshër dhe shkarkesa elektrike. Pas orëve të pasdites reshjet e shiut vijojnë me intensitet të ulët në ultësirën perëndimore ndërsa në verilindje dhe juglindje reshje shiu me intensitet mesatar.
Era do të fryjë me drejtim verilindje – veriperëndim me shpejtësi mesatare 1-8m/sek ndërsa në bregdet dhe lugina era fiton shpejtesi dhe behet intensive deri ne 12-15m/sek duke filluar ne oret e pasdites. Valëzimi në dete i forcës 2-3 ballë.























