Ministri i Jashtëm i Polonisë viziton Kosovën
BKT
Foto/ www.gov.pl/web/
Lajme

Ministri i Jashtëm i Polonisë viziton Kosovën

A.Bela / RTKlive

Ministri i Jashtëm i Polonisë, Zbigniew Rau sot do të vizitojë Kosovën.

"Ministrja e Punëve të Jashtme dhe Diasporës, znj.Donika Gërvalla, pret sot në Aeroportin Ndërkombëtar “Adem Jashari” në Prishtinë,  homologun e saj  ministrin e Jashtëm të Polonisë, Sh.T. Zbigniew Rau", njofton MPJD, raporton RTKlive.

Presidentja e Republikës së Kosovës, Vjosa Osmani Sadriu nesër (e premte) pret në takim ministrin e Punëve të Jashtme të Polonisë, njëkohësisht Kryesues i Radhës i OSBE-së, Zbigniew Rau.

Polonia është në grupin e shteteve të para që ka njohur Pavarësinë e Kosovës, më 26 shkurt 2008, por ende nuk ka hapur ambasadë në Prishtinë.

Ndryshe muajin e kaluar është mbajtur ceremonia e inaugurimit të fluturimit të parë të një kompanie ajërore Varshavë-Prishtinë-Varshavë.


MË SHUME NGA Lajme