09:08 / 17.07.2022
Icardi në Monza? Ja sa kërkon PSG-ja
Fatmir Bytyqi /RTKlive
Krerët e klubit italian, Monza, Berlusconi-Galliani, raportohet së janë të vendosur që gjatë kësaj verë, ta sjellin në skuadër një sulmues të klasit botëror.
Sipas medieve italiane, sulmuesi i PSG-së, Mauro Icardi është objektiv kryesor i skuadrës italiane, e cila tashmë është pjesë e Serie A.
“Gazzetta dello Sport” të shtunën shkruan se Mauro Icardi do të vazhdojë karrierën e tij në Monza.
Icardi në sezonin e fundit kishte humbur vendin e titullarit tek kampionët e Francës, në një konkurrencën të fortë Neymar-Messi-Mbappe.
Ish-sulmuesi i Interit shihet tepricë tek parisienët, dhe duket se e ardhmja e tij do të jetë sërish në Itali, por kësaj radhe tek Monza.
PSG thuhet se kërkon 15 milionë euro për kartonin e Icardit.























