23:50 / 25.07.2022
Prokuroria flet për intervistimin e Bamieh
RTKlive
Prokuroria Themelore në Prishtinë ka dalë me sqarim lidhur me intervistimin e ish-prokurores së EULEX, Maria Bamieh.
Në njoftimin për media thuhet se për këtë rast janë duke vepruar konform dispozitave ligjore në fuqi.
“Pasi bazuar në shkresat zyrtare që ka në posedim prokurorja e çështjes, më 03.06.2017, znj. Bamieh i është hequr imuniteti nga Kombet e Bashkuara dhe e njëjta sipas legjislacionit vendor, është udhëzuar nga prokuroria të angazhojë një avokat vendor, i cili është i licencuar nga Oda e Avokatëve të Kosovës, për zhvillimin e mëtejmë të procedurës”, thuhet në njoftim.
Bamieh u ftua nga prokuroria në Kosovë me dyshimet për keqpërdorim të detyrës zyrtare dhe rrjedhjes së informacioneve sekrete.























