13:06 / 09.08.2022
Vijon të jetë aktiv zjarri në Kurbin, kërkohet ndërhyrje nga ajri
/rtsh/
Disa vatra të zjarrit vijojnë të jenë aktive në fshatin Mali i Bardhë në Kurbin dhe si pasojë sipërfaqe të mëdha me pyje janë shkrumbuar.
Disa banorë të fshatit po punojnë me mjete rrethanore për izolimin e flakëve
Një helikopter i FA bëri një ditë më parë ndërhyrje në zonën e Skurajt, ndërsa banorët apelojnë për ndërhyrje tjetër nga ajri në këtë zonë.
Zona është e pasur me pyje dhe të gjithë llojet e dru-frutorëve, të cilat po shkrumbohen.
Familjarë ndodhen në terren në izolimin e vatrës së zjarrit me mjete rrethanore, por situata mbetet e vështirë pasi erërat favorizojnë përhapjen e flakëve.























