Ballkani mbush arkat, ja sa ka fituar deri tash
Rtklive
Sport

Ballkani mbush arkat, ja sa ka fituar deri tash

Fatmir Bytyqi /RTKlive

FC Ballkani ka shkruar historinë në futbollin e Kosovës.

Kampioni i Kosovës, është skuadra e vetme në historinë e shtetit tonë që arrin kualifikimin në play-off-in e Ligës së Konferencës.

Skuadra nga Suhareka mbrëmë mundi në udhëtim Klaskvik e Ishujve Faroe, duke prekur fazën e play-off-it, ku do të takohet me Shkupin.

Kalimi në këtë fazë të garave, ka mbushur arkat e FC Ballkanit.

Pa llogaritur fitimet nga FFK-ja, si shpallja kampion dhe të drejtat televizive, deri më tani Ballkani i ka të sigurta 1.690.000 euro, sipas UEFA-s.

Pjesëmarrja në raundin e parë kualifikues të Ligës së Kampionëve ia ka siguruar Ballkanit 280 mijë euro, edhe pse u eliminua nga gara më e rëndësishme në botë për klube.

Ballkani, kaloi La Fioritan dhe pastaj edhe Klaksvikun, duke arritur në raundin e play-offit të Ligës së Konferencës, raund që ia siguron 750 mijë euro të tjera.

Kësaj duhet t’i shtohet fakti se për çdo raund që luan merr nga 100 mijë euro ekstra, pra shifra për katër raunde shkon plus edhe në 400 mijë euro tjera.

Për çdo kampion shtetëror që nuk arrin fazën e grupeve, UEFA jep edhe 260 mijë euro ekstra. Pra totali nëse mposhtet nga Shkupi, në konton e Ballkanit do të shkojnë 1 milion e 690 mijë euro.

Pastaj në play-off luhet për një vend në fazë e grupeve, nga ku çdo skuadër e kualifikuar fiton në start 2.94 milionë euro, pa llogaritur të ardhura për fitore dhe barazim, por edhe renditje në grup.

Shumat e siguruara dhe ajo që pretendon ta fitojë Ballkani:

-Për çdo raund klubet marrin nga 100 mijë euro;

-Raundi i parë i Ligës së Kampionëve: 280 mijë euro – e siguruar;

-Play-off i Ligës së Konferencës: 750 mijë euro euro – e siguruar;

-Kalimi në fazën e grupeve: 2.94 milionë euro. 


MË SHUME NGA Sport