Shqipëri: 498 të infektuar dhe një humbje jete nga COVID-19 në 24 orë
ATSH
Ministria e Shëndetësisë dhe Mbrojtjes Sociale informoi se në 24 orët e fundit janë kryer 1412 testime, nga të cilat kanë rezultuar pozitivë me COVID-19, 498 qytetarë.
Sipas njoftimit të MSHMS rastet e reja me COVID-19 janë në këto bashki: 147 qytetarë në Tiranë, 36 në Durrës, 30 në Fier, 20 në Lushnjë, 18 në Devoll, 17 në Sarandë, nga 16 qytetarë në Divjakë, Vlorë, 15 në Lezhë, 13 në Shkodër, 12 në Gjirokastër, 10 në Krujë, nga 9 qytetarë në Kavajë, Mallakastër, Korçë, 8 në Elbasan, nga 7 qytetarë në Kamëz, Pogradec, Kuçovë, nga 6 qytetarë në Shijak, Tepelenë, Peqin, nga 5 qytetarë në Mirditë, Dibër, Selenicë, Përmet, Berat, Dimal, nga 4 qytetarë në Malësi e Madhe, Patos, Kolonjë, nga 3 qytetarë në Kurbin, Vorë, Roskovec, Skrapar, Belsh, nga 2 qytetarë në Vaun e Dejës, Himarë, Gramsh, nga 1 qytetar në Fushë-Arrës, Kukës, Has, Bulqizë, Mat, Delvinë, Dropull, Maliq, Poliçan, Librazhd, Përrenjas.
“Në gjithë vendin janë 3,724 qytetarë aktivë me COVID-19. Aktualisht në spitalin COVID 3 po marrin trajtim 23 pacientë. Në 24 orët e fundit ka një humbje jete me Sars-Cov-2: një qytetar nga Kruja 72 vjeç”, thuhet në njoftimin e Ministrisë.
Ministria e Shëndetësisë dhe Mbrojtjes Sociale informon se janë shëruar 401 qytetarë gjatë 24 orëve të fundit, duke e çuar numrin e të shëruarve në 315,943 që nga fillimi i epidemisë.























