22:55 / 20.08.2022
Luiza Gega bëhet kampione e Evropës në atletikë
Uran Krasniqi/RTKLive
Atletja shqiptare, Luiza Gega është shpallur Kampione e Evropës në garën e 3000 metrave me pengesa në Kampionatin Evropian në Munchen.
Ajo ka arritur në finish për 9 minuta, 11 sekonda e 31 të qindëtat, duke vendosur rekord të kampionatit evropian.
I menjëhershëm ka qenë reagimi i kryeministrit të Shqipërisë, Edi Rama.
"E paepura Luiza Gega kampione e Europës në 3000 metra me pengesa. Askush më parë s'ia ka dalë të ngjisë majën e Europës me flamurin kuqezi në pistën e atletikës", ka shkruar kryeministri shqiptar në Facebook.























