Milan-Inter, dy mënyra të kundërta për të arritur majën
RTSH
Dy mënyra të ndryshme për të arritur të njëjtin objektiv, majën e Serisë A: Milani dhe Interi arrijnë në derbi në fund të një sesioni të rëndësishëm dhe kuptimplotë transferimesh për të dy klubet e Milanos.
Programe të ndryshme, mënyra thuajse ekstreme të konceptimit dhe interpretimit të tregut të transferimeve. Gjithçka dhe menjëherë motoja te zikaltërit, hap pas hapi filozofia e kuqezinjve.
Në përpjekje për të rimarrë skeptrin, Interi zgjodhi t'i besonte sërish njeriut të Scudetto-s së fundit, atij Romelu Lukaku që përfaqëson një lloj mbulese për tifozët e Interit: një objekt kalimtar, një figurë qetësuese që ngjall besim dhe optimizëm. Të përdorur në mënyrë të sigurtë, një kategori të cilës i përkasin edhe Henrikh Mkhitaryan dhe Francesco Acerbi, dy përvoja të tjera që Marotta dhe Ausilio i dhanë Inzaghit për të ndjekur objektivin, pasi e panë Milanonn të vishet kuqezi sezonin e kaluar.
E tashmja është koha që ka më shumë rëndësi, objektivi është rikthimi tek titulli, edhe me koston e vendosjes së gjobave nga ana e UEFA-s.
Nëse të rinjtë në menunë e zikaltërve janë vetëm një pjatë e dorës së dytë, tek Milani janë padyshim pjata kryesore në tryezën e shtruar nga MMM, nga treshja Maldini-Massara-Moncada. Lojtarë të blerë ose të sjellë në Milanello përkohësisht në huazim, talente me potencial të madh dhe marzhe të qarta rritjeje. Gjenerata Z, mundësisht pas vitit 2000.
Njeriu kopertinë është padyshim Charles De Ketelaere (2001), një hit 35 milionë euro (përfshirë bonuset), një investim i fortë dhe i rëndësishëm, i cili kap dashurinë e drejtuesve të kuqezinjve për belgun, i cili në hapat e tij të parë ka lënë të kuptohet se ka atë që duhet për t'u bërë një nga atraksionet kryesore të kësaj Serie A. Ai u ndoq nga gjysma e Evropës, pasi kishte shkëlqyer me fanellën e Club Brugge dhe kombëtares belge, por Milani ishte klubi ku të gjithë besonin në cilësitë e tij.
Për sa i përket filozofisë, planifikimit dhe guximit në zgjedhjet e tyre, Milani i sotëm duket më shumë si një klub Bundeslige sesa një klub i Serisë A, ku shumë shpesh zgjidhet rruga më e shkurtër dhe në dukje më e lehtë për të arritur sukses.
Edhe nëse jemi vetëm në fillim të shtatorit, në javën e pestë, kjo sfidë, Milan-Inter, edhe pse larg të qenit një nyje kyçe për fatet e kampionatit, tashmë është dueli i parë i vërtetë i sezonit.























