17:04 / 03.09.2022
Drita shkund Llapin, Malisheva shtang Trepçën ‘89
Fatmir Bytyqi /RTKlive
Janë mbyllur dy ndeshjet e sotme të Superligës së Kosovës në futboll.
Drita e ka deklasuar Llapin, duke e mposhtur bindshëm prej 4-0, në sfidën kryesore të ditës së sotme.
Gjilanasit dhe llapjanët u ballafaquan në kuadër të javës së pestë, sfidë kjo e dominuar plotësisht nga futbollistët e Dritës.
Besnik Krasniqi realizoi dygolësh nga pika e bardhë, derisa nga një gol për nënkampionët e Kosovës e shënuan Almir Kryeziu dhe Marko Simonovski.
Ndërkohë, në sfidën tjetër Malisheva ka triumfuar në udhëtim tek Trepça ’89, me rezultat 2-3.























