Pas dy vjetësh, Gjermania i është kthyer traditës së vjetër.

Për shkak të pandemisë me Covid-19, në   dy vitet e kaluara, festa e madhe e birrës nuk ka mundur të mbahet si çdo vit në Mynih. 

Megjithatë, këtë vit, situata është krejt ndryshe, raporton RTKlive.

Në këtë qytet të madh të Bavarisë, qytetarët i janë rikthyer festës së madhe të birrës, që njihet së ‘Octoberfest’. 

Kjo festë është e njohur jo vetëm në Gjermani, por në të gjithë Evropën.

Për disa ditë, Mynihu shndërrohet në kryeqytet të birrës ku me mijëra njerëz, nën tendat e mëdha, festojnë, kërcejnë e pijnë birra të llojeve të ndryshme.

Përveç kësaj, shumë nga pjesëmarrësit, zgjedhin që me veshje tradicionale, t’i japin edhe më shumë ngjyra e hijeshi kësaj feste.

Gjermania është një nga vendet që prodhon sasinë më të madhe të birrës dhe atë në shumë lloje.