Të martën Kuvendi i Kosovës dhe i Shqipërisë me memorandum bashkëpunimi
BKT
Foto: Kuvendi i Shqipërisë
Lajme

Të martën Kuvendi i Kosovës dhe i Shqipërisë me memorandum bashkëpunimi

Fadil Sertolli/ RTKlive

Drejtoria për Marrëdhënie me Mediat dhe Publikimet e Kuvendit të Kosovës përmes një njoftimi për media ka njoftuar se të martën në Kuvendin e Shqipërisë do të nënshkruhet Memorandum Bashkëpunimi midis Kuvendit të Kosovës dhe Kuvendit të Shqipërisë.

“Të martën, më 20 shtator 2022, kryetari i Kuvendit të Republikës së Kosovës, Glauk Konjufca dhe kryetarja e Kuvendit të Republikës së Shqipërisë, Lindita Nikolla, nënshkruajnë Memorandum Bashkëpunimi midis dy parlamenteve”, thuhet në njoftim. ​

Po ashtu sipas njoftimit Memorandumi nënshkruhet në Kuvendin e Republikës së Shqipërisë, në Tiranë, në orën 12:00. 

​

“Pas nënshkrimit të memorandumit, kryetarët Konjufca dhe Nikolla do të mbajnë konferencë të përbashkët për media”, thuhet në njoftim.


MË SHUME NGA Lajme