21:45 / 20.09.2022
Presidentja Osmani: BE-ja të përmbyll procesin e vizave për Kosovën
A.Bela / RTKlive
Presidentja e Kosovës, Vjosa Osmani ka marrë pjesë në takimin e organizuar nga përfaqësuesi i Lartë i Bashkimit Evropian, Josep Borrell me krerët e shteteve të Ballkanit Perëndimor.
Osmani në 'Facebook' ka shkruar se Kosova është e përkushtuar për paqe dhe stabilitet.
"Sot në takimin e organizuar nga përfaqësuesi i Lartë i Bashkimit Evropian, Josep Borrell me krerët e shteteve të Ballkanit Perëndimor potencova përkushtimin e Kosovës për paqe e stabilitet dhe për rrugën e saj euroatlantike, kërkova përmbyllje urgjente të çështjes së liberalizimit të vizave dhe mbështetje nga BE-ja për tejkalimin e krizës energjetike këtë dimër", ka shkruar Osmani.























