UEFA: Kosova nuk mund të jetë në një grup me Serbinë dhe Bosnjën
BKT
Sport

UEFA: Kosova nuk mund të jetë në një grup me Serbinë dhe Bosnjën

Fatmir Bytyqi /RTKlive

UEFA ka bërë të ditur se Kosova nuk mund të jetë në të njëjtin grup me Serbinë dhe Bosnja Hercegovinën.

Shkaku i problemeve politike, zhvillimet vazhdojnë të ndikojnë edhe në sport, ku nuk lejohen ndeshjet e Kosovës me Serbinë  dhe Bosnjës Hercegovinën, se paku jo në grupe.

"Pesë çifte shtetesh janë shpallur si të ndaluara. Këto çifte nuk duhet të përfshihen në të njëjtin grup: Armenia/Azerbajxhani, Bjellorusia/Ukraina, Gjibraltar/Spanjë, Kosovë/Bosnjë dhe Hercegovinë dhe Kosovë/Serbi”, shkruhet në komunikatën e UEFA-s.

Kosova siç dihet pas fitores së thellë ndaj Qipros, ka siguruar pozitën e dytë në tabelë në grupin C, prandaj ndodhet në vazon e katërt.

Vazot e plota janë kështu:

Vazo 1: Danimarkë, Portugali, Belgjikë, Hungari, Zvicër, Poloni

Vazo 2: Francë, Austri, Republika Ceke, Angli, Uells, Izrael, Bosnja/Hercegovinë, Serbi, Skoci, Finlandë

Vazo 3: Ukrainë, Islandë, Norvegji, Slloveni, Republika e Irlandës, Shqipëri, Mali i Zi, Rumani, Suedi, Armeni

Vazo 4: Gjeorgji, Greqi, Turqi, Kazakistan, Luksemburg, Azerbajxhan, Kosovë, Bullgari, Ishujt Faroe, Maqedoni e Veriut

Vazo 5: Sllovaki, Irlandë Veriore, Qipro, Bjellorusi, Lituani, Gjilbratar, Estoni, Letoni, Moldavi, Malta

Vazo 6: Andorrë, San Marino, Litenshtajnë.

Kur do të zhvillohen ndeshjet kualifikuese për "UEFA Euro 2024"?

Ndeshjet e para zhvillohen më 23-25 mars 2023

Ndeshjet e dyta zhvillohen më 26-28 mars 2023

Ndeshjet e treta zhvillohen më 16-17 qershor 2023

Ndeshjet e katërta zhvillohen më 19-20 qershor 2023

Ndeshjet e pesta zhvillohen më 07-09 shtator 2023

Ndeshjet e gjashta zhvillohen më 10-12 shtator 2023

Ndeshjet e shtata zhvillohen më 12-14 tetor 2023

Ndeshjet e teta zhvillohen më 15-17 tetor 2023

Ndeshjet e nënta zhvillohen më 16-18 nëntor 2023

Ndeshjet e 10-ta zhvillohen më 19-21 nëntor 2023.

Shorti për fazën e grupeve do të tërhiqet të dielën më 9 tetor me fillim nga ora 12:00 në Frankfurt.