15:15 / 22.10.2022
Borrell kërkon gjetjen e një zgjidhje për normalizimin e marrëdhënieve
RTK
Përfaqësuesi i lartë i Bashkimit Evropian për Politikë të Jashtme, Josep Borrell, ka thënë se ka pasur një diskutim të mirë me kryeministrin e Kosovës, Albin Kurti lidhur me dialogun.
Borrell, përmes një postimi në Twitter, ka thënë se sigurimi i stabilitetit dhe sigurisë në Ballkanin Perëndimor është shumë i rëndësishëm në kontekstin aktual gjeopolitik.
Borrell, ka njoftuar se ka biseduar edhe me presidentin e Serbisë, Aleksandër Vuçiq, për rrugën përpara në dialogun e ndërmjetësuar nga BE.
“Është më e rëndësishme se kurrë gjetja e një zgjidhje të qëndrueshme dhe gjithëpërfshirëse për normalizimin e marrëdhënieve”, ka shkruar Borrell
























