Tërhiqet shorti i Championsit, përballje titanësh
Fatmir Bytyqi /RTKlive
(E plotësuar) Është hedhur shorti për raundin e 16-të në Ligën e Kampionëve, ku do të kemi mundësi të shohim disa ndeshje tejet interesante.
Vëmendja padyshim do të jetë tek derbi ndërmjet Liverpoolit dhe Real Madridit, derisa sfidë tejet interesante është edhe mes PSG-së dhe Bayern Munich.
Gjithsesi joshëse do të jenë edhe duelet Milan-Tottenham dhe Dortmund-Chelsea.
Ja të gjitha përballjet e Championsit:
RB Leipzig – Man City
Club Brugge – Benfica
Liverpool – Real Madrid
AC Milan – Tottenham
Frankfurt – Napoli
B.Dortmund – Chelsea
Inter – Porto
PSG – Bayern Munich
Ndeshjet e para do të zhvillohen në datat 14/15 dhe 21/22 shkurt, derisa ato kthyese me 7/8 dhe 14/15 mars 2023.
Sot shorti i Championsit, gjithçka që duhet të dini
(E plotësuar) Sot do të hidhet shorti për raundin e 16-të në Ligën e Kampionëve.
Në Nyon të Zvicrës me fillim nga ora 12:00, e tërë bota e futbollit do t'i ketë sytë nga Liga e Kampionëve, ku ekipet më të mëdha në Evropë do të mësojnë kundërshtarin e radhës.
Cilat skuadra janë të kualifikuara?
16 skuadra nga faza grupore kanë siguruar kualifikimin. Tetë prej tyre si lider të grupit, derisa tetë të tjera si pozitë e dytë.
Si lider nga grupet u kualifikuan: Bayern Munich, Benfica, Chelsea, Man City, Napoli, Porto, Tottenham.
Kurse, si pozitë e dytë: Club Brugge, Dortmund, Frankfurt, Inter, Leipzig, Liverpool, Milan, PSG.
Në këtë raund, janë disa rregulla të veçanta. Pasi disa klube nuk mund të përballen me njëra-tjetrën.
Fillimisht, ato që ishin në një grup të lehtë nuk kanë të drejtë të përballen sërish, derisa nuk lejohet as që skuadra nga i njëjti kampion të gjenden përballë njëra-tjetrës.
Kur nisin ndeshjet?
Ndeshjet e para kualifikuese janë paraparë të nisin në datat: 14, 15, 21 dhe 22 shkurt, derisa ato kthyese më 7, 8, 14 dhe 15 mars. Të gjitha takimet fillojnë në ora 21:00.
Kujtojmë, se këtë vit rregulli i golit mysafir nuk vlen. Pra, nëse pas 180 minutave rezultati është i barabartë, atëherë skuadrat do të shkojnë në kohë shtesë për 30 minuta, e pastaj nëse vazhdon të jetë baras do të kemi penalltitë.























