23:42 / 08.11.2022
Peleshi: Bashkëpunimi me Italinë në fushën e mbrojtjes, i rëndësishëm
ATSH
Ministri i Mbrojtjes Niko Peleshi zhvilloi sot një bisedë telefonike me homologun e ri italian Gido Crossetto.
Peleshi bëri të ditur se biseda ishte tejet e frytshme, teksa theksoi se bashkëpunimi me Italinë në fushën e mbrojtjes është i rëndësishëm për Shqipërinë si bashkaleatë në NATO.
“Bisedë tejet e frytshme me Ministrin e ri të Mbrojtjes, Guido Crossetto. Shkëmbim idesh për adresimin dhe përballimin e sfidave të përbashkëta në kontekstin e sigurisë në rajon dhe më gjerë”, informoi ministri përmes një postimi në rrjetet sociale.























