09:12 / 10.11.2022
Vijon diskutimi në Kuvend i projektbuxhetit dhe paketës fiskale 2023
ATSH
Kuvendi vijon sot seancën plenare maratonë për të shqyrtuar projektligjin dhe paketën fiskale 2023.
Seanca e djeshme plenare e Kuvendit ku u diskutua projektbuxheti dhe paketa fiskale 2023, u ndërpre pas 13 orësh debati.
Seanca plenare e Kuvendit nisi dje në orën 10:00 të paradites dhe zgjati deri në orën 23:00, ndërsa sot pas diskutimeve pritet votimi i dy projektligjeve.
Në projektbuxhetin e vitit 2023 të ardhurat parashikohen të arrijnë në 631.7 miliardë lekë, ndërsa shpenzimet do të jenë 687.2 miliardë lekë. Planifikohet që në vitin 2023 rritja ekonomike të jetë 2.6 %, nga 3.7 % që pritet të jetë në këtë vit.























