10:52 / 12.11.2022
Kryeministri Rama në Forumin e Paqes në Paris
ATSH
Kryeministri i Shqipërisë, Edi Rama, mori pjesë dje në punimet e Forumit të Paqes, në Paris me ftesë të presidentit të Francës, Emmanuel Macron.
Në kuadër të Forumit të Paqes, kryeministri Rama referoi në panelin me temë “Universalizëm kur mundesh dhe multilaterizëm kur duhet”, ku u ndal te rëndësia e Komunitetit Politik Evropian.
Po ashtu, Rama referoi edhe në panelin me temë “Mobilizimi ndërkombëtar për Observatorin për Informim dhe Demokraci”, ku vendi ynë ka dorëzuar zyrtarisht kërkesën për aderim në Partneritetin Ndërkombëtar për Informim dhe Demokraci.
Mbrëmjen e djeshme, Kryeministri Rama dhe bashkëshortja e tij, Linda Rama, morën pjesë në darkën zyrtare me presidentin e Francës, Emmanuel Macron, në Pallatin Élysée.



























