16:22 / 19.11.2022
Kurti: Marrëdhëniet tona me Estoninë në të ardhmen do të thellohen
M.Miftari/RTKlive
Kryeministri Kurti gjatë vizitës së tij në Estoni u prit edhe nga kryetari i Kuvendit të Estonisë, Juri Ratas, si dhe kryetari i Komisionit për Punë të Jashtme në Parlamentin estonez, Andres Sut.
Këtë, kryeministri Kurti e ka bërë të ditur përmes një cicërime në “Twitter”, ku njoftoi për takimet të tij në Estoni.
“Unë u mirëprita dje në Parlamentin estonez, ku pata kënaqësinë të takohesha me Juri Ratas, si dhe me Andres Sutt, kryetar i Komisionit për Punë të Jashtme në Parlamentin estonez.
Diskutuam për marrëdhëniet dypalëshe, zhvillimet e fundit dhe rrugët e shumta për bashkëpunimin tonë në të ardhmen”, nënvizoi kryeministri Kurti.

























