Kryeministri Edi Rama ka uruar për 110-vjetorin e pavarësisë së Shqipërisë. Përmes një postim në rrjetet sociale, Rama ka publikuar edhe disa foto me këngëtaren Dua Lipa e cila mori një ditë më parë shtetësinë shqiptare

Kryeministri u bëri ftesë të gjithëve të marrin pjesë në koncertin e saj në sheshin ‘Skënderbej’.

“Me qytetaren më të re të Shqipërisë, ju uroj të gjithëve gëzuar përvjetorin e 110 të Flamurit të Pavarësisë, këtë ditë të bekuar të kombit tonë që sot do të mbyllet me Duan në Sheshin Skënderbej”, është shprehur Rama.

Këngëtarja e njohur Dua Lipa numëron shumë çmime e vlerësime për kontributin e saj në muzikë dhe art, përfshi këtu edhe tre çmime Grammy.