09:51 / 06.12.2022
Alban Muja inauguron veprën “Never Say Never”|Video
RTK
Artisti Alban Muja, sot inauguron veprën e tij të radhës artiske. Ajo vjen me titullin “Never Say Never” dhe inaugurimi bëhet në parkun “Adem Demaçi”, në Prishtinë.
“Never Say Never” (Kurrë mos thuaj kurrë) si vepër arti nuk ka për qëllim vetëm të kujtojë të kaluarën në Kosovë por të theksojë luftën për drejtësi.
Nuk është vetëm një shprehje e dëgjuar nga disidenti dhe politikani shqiptar Adem Demaçi, në një diskutim televiziv politik në vitin '90, atëherë kur luftërat ne ish-Jugosllavi kishin shpërthyer tashmë.
'Never Say Never' i kushtohet të burgosurve politik ne vitet '80 dhe '90 në Kosovë dhe të gjithë atyre që punuan dhe sakrifikuan për liri.























