Nikolla: BE vjen në kryeqytetin e vendit më proevropian të rajonit
BKT
Shqipëri

Nikolla: BE vjen në kryeqytetin e vendit më proevropian të rajonit

ATSH

Kryetarja e Kuvendit, Lindita Nikolla përcolli sot një përshëndetje me rastin e samitit Bashkim Evropian-Ballkan Perëndimor në Tiranë.

 

“Sot nis në Tiranë samiti Bashkim Evropian-Ballkan Perëndimor, një ngjarje madhore për Shqipërinë, rajonin, Evropën e më gjerë. BE vjen në kryeqytetin e vendit më proevropian të rajonit, për të dëshmuar se Ballkani Perëndimor është vlerë e shtuar e familjes evropiane”, theksoi Nikolla.

“Vendet e Ballkanit Perëndimor kanë rastin, por edhe detyrimin, të dëshmojnë se integrimi në BE është e vetmja perspektivë për zhvillimin, progresin e paqen në rajon”, nënvizoi Nikolla.

“Shqipëria ka shansin e merituar të promovojë vizionin e qartë dhe arritjet e identifikueshme drejt integrimit në BE si edhe lidershipin rajonal për zhvillimin, mirëqenien, demokracinë dhe paqen”, shkroi kryetarja e Kuvendit, Lindita Nikolla.


MË SHUME NGA Shqipëri