Bllokohet rruga në Rudarë, dëgjohen sirenat në veri
BKT
REL
Lajme

Bllokohet rruga në Rudarë, dëgjohen sirenat në veri

REL

Ka filluar bllokimi i rrugëve në veri të vendit. Sipas Radios Evropa e Lirë, rruga në Rudarë në komunën e Zveçanit tashmë është bllokuar, sikur edhe në Leposaviq.

Po ashtu, në Mitrovicën e Veriut dhe në Rudarë janë dëgjuar sirenat.

Në Rudarë janë parë edhe automjetet e ndihmës së parë.

Sipas informatave nga vendi i ngjarjes, aty janë parë burra të maskuar dhe gra.

Arsyeja e mbledhjes ende nuk është bërë e ditur, por ka informata se kjo vjen pas arrestimit të një personi në veri.

Shefi i ashtuquajturës Zyrë për Kosovën në Beograd, Petar Petkoviq, ka deklaruar se në Jarinjë sot është arrestuar Dejan Pantiq, ish-pjesëtar i Policisë së Kosovës.


MË SHUME NGA Lajme