Bogujevci: Krimineli serb i luftës shëtitet lirshëm nëpër Evropë
BKT
Lajme

Bogujevci: Krimineli serb i luftës shëtitet lirshëm nëpër Evropë

RTKlive

Nënkryetarja e Kuvendit të Kosovës, Saranda Bogujevci ka reaguar pas arrestimit të kriminelit të luftës, Sasha Cvjetan, i cili në Greqi u riarrestua nga DEA amerikane për drogë.

Cvjetan ishte pjesëtar i formacionit paraushtarak “Scorpions”, të cilët u vunë në gjyq në Serbi sepse në mars të vitit 1999 kishin pushkatuar shtatë fëmijë të moshës 2 deri në 15 vjeç dhe shtatë gra në Podujevë.

Bogujevci këtë ka reaguar në Twitter.

“Kur Saša Cvjetan u dënua për masakrën e familjes sime, ne u pyetëm nëse drejtësia ishte vënë në vend. Përderisa nuk ka kurrë drejtësi kur të masakrohet familja juaj, ne kishim shpresuar që të paktën të nxirren mësime. Fatkeqësisht, siç e kemi parë kjo është larg realitetit”, ka shkruar Bogujevci.

Ajo thotë se Cvjetan u dënua me 20 vjet burg, por në vitin 2018 u lirua tre vjet e gjysmë para se të përfundonte dënimi për “sjellje të mirë”.

Bogujevci tha se një kriminel i tillë u la i lirë në Evropë.

“Tani, ai është arrestuar për më shumë aktivitet kriminal. Një vrasës i fëmijëve është lejuar të bredhë rrugëve të Evropës”.

 


MË SHUME NGA Lajme