Gjeneral Ristuccia: KFOR-i po e monitoron nga afër situatën në veri
BKT
Foto: KFOR
Lajme

Gjeneral Ristuccia: KFOR-i po e monitoron nga afër situatën në veri

M.Shefkiu/RTKlive

Paqeruajtësit ndërkombëtarë të KFOR-it po e monitorojnë nga afër situatën në veri të Kosovës. Kështu ka deklaruar komandanti i KFOR-it, gjenerali Angelo Michele Ristuccia nëpërmjet një komunikate për media.

Ai ka thënë se KFOR-i ka aftësi të plotë, duke përfshirë personelin, për të ofruar një mjedis të sigurt dhe liri të  lëvizjes për të gjitha komunitetet, kudo në Kosovë, nën mandatin e tij të bazuar në Rezolutën 1244 të Këshillit të Sigurimit të Kombeve të Bashkuara të vitit 1999.

“Që nga tetori, ne kemi përforcuar praninë tonë, duke përfshirë edhe me trupa dhe patrulla shtesë në veri të Kosovës këtë javë. Presim që të gjithë aktorët të koordinohen ngushtë me KFOR-in dhe të përmbahen nga paraqitja provokuese të forcës, për të garantuar sigurinë e të gjitha komuniteteve” ka deklaruar gjenerali Ristuccia.

Ai ka thënë KFOR i nxitë të gjitha palët që të angazhohen në mënyrë konstruktive për të mundësuar sigurinë dhe lirinë e lëvizjes në Kosovë.

“KFOR-i do të vazhdojë të përmbushë mandatin e tij sipas Rezolutës 1244 të vitit 1999 për të gjitha komunitetet në Kosovë. Zgjidhjet duhet të kërkohen përmes dialogut”, ka thënë ai.Nuk ka asnjë përshkrim të disponueshëm

Nuk ka asnjë përshkrim të disponueshëm


MË SHUME NGA Lajme