23:30 / 29.12.2022
Atletico Madrid mposht Elchen
Uran Krasniqi/RTKLive
Atletico Madrid ka gjetur fitoren në kampionatin spanjoll. Klubi nga Madridi ka fituar nga Elche, një skuadër që gjendet në fund të tabelës në La Liga.
Ndeshja e zhvilluar të enjten ka përfunduar me rezultat 2-0.
Felix (56') dhe Morata (74') kanë realizuar për ekipin e drejtuar nga Simeone.
Gjatë ndeshjes u dhanë tre kartonë të kuq, një për skuadrën nga Madridi dhe dy për mysafirët.
Pas kësaj fitore Atletico gjendet në vendin e tretë me njëzet e shtatë pikë. Tabelën e kryeson Barcelona me tridhjetë e shtatë pikë.























