Lajçak nesër në Prishtinë, drekë pune me kryeministrin Kurti
Në Fokus

Lajçak nesër në Prishtinë, drekë pune me kryeministrin Kurti

J.Musliu/RTKlive

I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, të hënën do të qëndrojë në Kosovë.

Këtë e ka konfirmuar zëdhënësi i Qeverisë, Përparim Kryeizu. Ai ka deklaruar se kryeministri Albin Kurti dhe zv.kryeministri Besnik Bislimi, do të kenë një drekë pune me Lajçakun.

Pritet që pas Prishtinës, Lajçak të shkojë edhe në Beograd, ku do të zhvillojë takim edhe me presidentin serb, Aleksandar Vuçiq.

Dialogu Kosovë-Serbi mbetet një nga preokupimet kryesore të BE-së për rajonin e Ballkanit Perëndimor.

Së fundmi, komuniteti ndërkombëtar është duke i kërkuar Qeverisë së Kosovës që ta themelojë Asociacionin e Komunave me Shumicë Serbe si kusht për ta trasuar rrugën për një dialog të mirëfilltë me Serbinë.

Mirëpo, një gjë të tillë po e refuzon kryeministri Albin Kurti, duke thënë se komuniteti serb në Kosovë ka të drejta më shumë se çdo minoritet në cilin do vend të Evropës.


MË SHUME NGA Në Fokus