09:43 / 10.02.2023
Edhe Arsenali pas Fatit
F.Bytyqi/RTKLive
Pas Manchester Unitedit, është Arsenali një tjetër klub i madh anglez që është duke e monitoruar Ansu Fatin.
‘Cadena Cop’ të premten shkruan se ‘Topçinjtë’ kanë kontaktuar superagjentin Jorges Mendes për të pyetur për Fatin, edhe pse katalonasit thuhet se nuk duan ta shesin asin e tyre.
Megjithatë, menaxheri i skuadrës nga ‘Emiratës’, Mikel Arteta po kërkon të forcojë skuadrën në afatin kalimtar të verës që po vjen, dhe Fati mësohet se është në listën e strategut të londinezëve.
Vera që vjen duket se do të jetë e ‘nxehtë’ për yllin e Barcelonës pasi që Manchester United dhe Arsenal do të provojnë që të transferojnë lojtarin në ishull.























