13:45 / 12.02.2023
Southampton shkarkon trajnerin
Uran Krasniqi/RTKLive
Nathan Jones është shkarkuar nga posti i trajnerit të Southampton pas vetëm katërmbëdhjetë ndeshjesh.
Skuadra ka humbur nëntë nga dhjetë paraqitjet e fundit të ligës dhe vazhdon të jetë në fundin e tabelës së renditjes.
Për ndërprerjen e kontratës klubi anglez ka konfirmuar edhe përmes një deklarate.
"Klubi i futbollit Southampton mund të konfirmojë se është ndarë me menaxherin e ekipit të parë të meshkujve Nathan Jones. Do të jetë Ruben Selles ai që do të marrë përgjegjësinë për stërvitjen dhe përgatitjen e ekipit para ndeshjes së fundjavës së ardhshme kundër Chelseas".























