Kuvendi mbyll punimet në mungesë kuorumi
BKT
Foto/ RTKlive
Lajme

Kuvendi mbyll punimet në mungesë kuorumi

A.B/ RTKlive

(E plotësuar) Kuvendi i Kosovës ka përfunduar seancën e sotme në mungesë të kuorumit. Kryeparlamentari Glauk Konjufca ka thënë se meqenëse në seancë kanë mbetur vetëm 60 deputetë nuk ka kushte për vazhdimin e seancës.

Paraprakisht, edhe pse pa praninë e opozitës, e cila kishte braktisur seancën, janë miratuar disa projektligje si ai për bujqësi dhe zhvillim rural dhe ai për parandalimin dhe kontrollin e integruar të ndotjes. Në parim kanë kaluar edhe Projektligji për zhvillimin rajonal të balancuar, ai për parandalimin dhe mbrojtjen nga dhuna në familje, dhuna ndaj grave dhe dhuna në baza gjinore, Projektligji për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me ligjin për procedurën e përgjithshme administrative, ai për ndryshimin dhe plotësimin e ligjit për mbrojtjen e konsumatorit si dhe Projektligji për konfliktet administrative.

Kuvendi në parim ka miratuar edhe Projektligjin për ekspertët gjyqësorë, atë për sistemin qendror të evidencës penale të Kosovës si dhe Projektligjin për rregullat e trafikut rrugor.

Gjithashtu janë miratuar edhe: Strategjia e Energjisë 2022-2031, raporti vjetor i Akademisë së Drejtësisë për vitin 2021, raportin vjetor i Komisionit Rregullator të Prokurimit Publik për vitin 2021, Raporti vjetor i Agjencisë Kundër Korrupsionit për vitin 2021, raporti vjetor i Këshillit të Kosovës për Trashëgimi Kulturore për vitin 2021, dhe raportin vjetor i Statistikave të Kosovës për vitin 2021. Po ashtu është miratuar edhe Plani kombëtar i radio-frekuencave.

Kuvendi ndryshon rendin e ditës, opozita lëshoi sallën

(E plotësuar) Opozita, LDK, PDK dhe AAK ka lëshuar sallën e Kuvendit të Kosovës në seancën e cila në rend dite ka shqyrtimin e pikave të papërfunduara. Partitë opozitare janë shprehur pakënaqësi për mungesën e kuorumit për miratimin e pikave të rendit të ditës.

Abelard Tahiri, shefi i grupit parlamentar të PDK-së, tha se është e pakuptimtë që brenda 1 ore e gjysmë pune të Kuvendit të mos miratohet asnjë pikë. Ai tha se opozita ishte e gatshme të jap kontribut tek marrëveshjet ndërkombëtare.

Live|Seanca e Kuvendit të Kosovës

(E plotësuar) Kuvendi i Kosovës nisi mbledhjen ku deputetët do të shqyrtojnë pikat e rendit të ditës të mbetura nga disa seanca të kaluara.

Mes tjerash, në Kuvend vazhdon debati parlamentar për zhvillimet në dialogun ndërmjet Kosovës dhe Serbisë.

Debat parlamentar do të ketë edhe lidhur me raportin e Komisionit Evropian për Kosovën për vitin 2022.

Në rend dite janë edhe votimi i raportit të Komisionit Hetimor Parlamentar lidhur me menaxhimin e krizës energjetike nga ana e Qeverisë dhe votimi i strategjisë së energjisë për periudhën 2022-2031.

 

Vazhdon debati në Kuvend për dialogun Kosovë-Serbi

Sot Kuvendi i Kosovës, do të vazhdojë punimet me pikat e papërfunduara nga seancat plenare të kaluara.

Në rend dite janë dhjetëra pika që kanë mbetur nga seancat e kaluara. Pikë e rendit të ditës është debat parlamentar për zhvillimet në dialogun ndërmjet Republikës së Kosovës dhe Republikës së Serbisë SI dhe Interpelanca e Kryeministrit të Republikës së Kosovës, Albin Kurti, në lidhje me çështjen: ”Siguria juridike e grave në rastet e dhunës në familje dhe përgjegjësia e organeve shtetërore në parandalimin edhe luftimin e krimeve ndaj grave dhe vajzave”.

Në rend dite është votimi i Projektligjit për ratifikimin e Marrëveshjes së financimit në mes të Republikës së Kosovës përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për “Projektin e reformës së sistemit të ndihmës sociale në Kosovë”, votimi i Projektligjit për ratifikimin e Marrëveshjes së kredisë për Projektin -korniza e qyteteve të gjelbërta 2 dritarja 2 - efiçienca e energjisë në ndërtesa publike në Prishtinë, ndërmjet Republikës së Kosovës dhe Bankës Evropiane për Rindërtim dhe Zhvillim, votimi i Projektligjit për ratifikimin e Marrëveshjes së  kredisë për Projektin -efiçienca e energjisë në ndërtesa publike në Prizren, ndërmjet Republikës së Kosovës dhe Bankës Evropiane për Rindërtim dhe Zhvillim, votimi në lexim të dytë i Projektligjit pёr anti dopingun, shqyrtimi i dytë i Projektligjit për Bujqësi dhe zhvillim rural, shqyrtimi i dytë i Projektligjit për Parandalimin dhe kontrollin e integruar të ndotjes, sqyrtimi i parë i Projektligjit për Zhvillimin Rajonal të Balancuar, shqyrtimi i parë i Projektligjit për parandalimin dhe mbrojtjen nga dhuna në familje, dhuna ndaj grave dhe dhuna në baza gjinore, debat parlamentar në lidhje me Raportin e Komisionit Evropian për Kosovën për vitin 2022 dhe shqyrtimi i Raportit vjetor të Autoritetit të Aviacionit Civil të Kosovës për vitin 2021, raporton RTKlive.

Kuvendi do të votojë edhe Strategjinë e Energjisë të Republikës së Kosovë për periudhën 2022-2031.

Po ashtu do të votojë në parim i Projektligjin për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin për procedurën e përgjithshme administrative, votimi në parim i Projektligjit për ndryshimin dhe plotësimin e Ligjit për Mbrojtjen e Konsumatorit, votimi në parim i Projektligjit për Konfliktet Administrative, shqyrtimi i parë i Projektligjit për Ekspertët Gjyqësor, shqyrtimi i parë i Projektligjit për Sistemin Qendror të Evidencës Penale të Kosovës, shqyrtimi i parë i Projektligjit për Rregullat e Trafikut Rrugor, shqyrtimi i Propozim-rezolutës për gjendjen në Ministrinë e Industrisë, Ndërmarrësisë dhe Tregtisë, shqyrtimi i Raportit vjetor të Akademisë së Drejtësisë për vitin 2021, shqyrtimi i Raportit vjetor të Organit Shqyrtues të Prokurimit për vitin 2021, shqyrtimi i Raportit vjetor të Komisionit Rregullator të Prokurimit Publik për vitin 2021, shqyrtimi i Raportit vjetor të Agjencisë Kundër Korrupsionit për vitin 2021, shqyrtimi i Raportit vjetor të Këshillit të Kosovës për Trashëgimi Kulturore për vitin 2021, shqyrtimi i Raportit vjetor të Statistikave të Kosovës për vitin 2021, shqyrtimi i Raportit me rekomandime për mbikëqyrjen e zbatimit të Ligjit për kontrollin e brendshëm të financave publike, shqyrtimi i Raportit me rekomandime për mbikëqyrjen e zbatimit të Ligjit për Kompetencat e Zgjeruara për Konfiskimin e Pasurisë, shqyrtimi i Planit Kombëtar të Radio-frekuencave, formimi i Komisionit Ah-hoc për përzgjedhjen e një anëtari të Bordit të Radiotelevizionit të Kosovës nga komuniteti shqiptar, zgjedhja e tre anëtarëve të Komisionit të Pavarur të Mediave, zgjedhja e një anëtari të Bordit për Ankesa të Mediave, zgjedhja e një zëvendësi të Avokatit të Popullit nga radhët e komuniteteve që nuk janë shumicë në Kosovë, raporton RTKlive.

Kuvendi do të vazhdojë më punimet ku është paraparë interpelanca e Kryeministrit të Republikës së Kosovës, Albin Kurti, në lidhje me çështjen: ”Siguria juridike e grave në rastet e dhunës në familje dhe përgjegjësia e organeve shtetërore në parandalimin edhe luftimin e krimeve ndaj grave dhe vajzave”.

Ndërsa pikat e papërfunduara nga seanca plenare, e mbajtur më 19 janar 2023, është votimi i Raportit me rekomandime për mbikëqyrjen e zbatimit të Ligjit nr. 06/L-046 për Inspektoratin e Arsimit në Republikën e Kosovës, shqyrtimi i Raportit vjetor të Komisionit Qendror të Zgjedhjeve për vitin 2021 dhe shqyrtimi i Raportit përfundimtar të Komisionit Hetimor Parlamentar lidhur me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike.

Po ashtu do të jetë edhe shqyrtimi i parë i Projektligjit për Parandalimin dhe Kontrollin e Sëmundjeve Ngjitës, shqyrtimi i Raportit vjetor të Zyrës së Rregullatorit për Energji për vitin 2021, shqyrtimi i Raportit vjetor të Komisionit të Pavarur për Miniera dhe Minerale për vitin 2021, shqyrtimi i Raportit vjetor të Autoritetit Rregullator për Shërbimet e Ujit për vitin 2021, shqyrtimi i Raportit vjetor për gjendjen e mjedisit në Kosovë për vitin 2021, shqyrtimi i Rekomandimeve lidhur me Raportin e auditimit të performancës “Vlerësimi i nxënësve në testet kombëtare dhe ndërkombëtare dhe formimi i Komisionit Ad-Hoc për përzgjedhjen e kandidatëve për një anëtar të Bordit të Radiotelevizionit të Kosovës nga komuniteti serb.

Ndërsa pikat e papërfunduara nga Seanca plenare e mbajtur më 9 shkurt 2023 janë: Shqyrtimi i parë i Projektligjit për ndryshimin dhe plotësimin e Ligjit për Mjekësinë Ligjore, shqyrtimi i rekomandimeve për mbikëqyrjen e zbatimit të Ligjit për Komunikimet Elektronike, përzgjedhja e një anëtari joekzekutiv të Bordit të Bankës Qendrore të Kosovës (BQK).

Kurse vazhdimi i Seancës plenare, e filluar më 13 shkurt 2023, ka një pikë të rendit të ditës atë të   debatit parlamentar për zhvillimet në dialogun ndërmjet Republikës së Kosovës dhe Republikës së Serbisë.

Po ashtu Kuvendi do të votojë raportin e Komisionit Hetimor Parlamentar lidhur me menaxhimin e krizës energjetike nga ana e Qeverisë së Republikës së Kosovës, shqyrtimi i parë i Projektligjit për parqet industriale dhe teknologjike, shqyrtimi i parë i Projektligjit për investime të qëndrueshme, shqyrtimi i Vendimit të Qeverisë për miratimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Moxico Luma Kosova Mining L.L.C.”, shqyrtimi i Planit Hapësinor për Parkun Kombëtar “Bjeshkët e Nemuna” dhe propozimi i GP “Multietnik” për shkarkimin e nënkryetarit të Kuvendit të Republikës së Kosovës, Bekim Arifi.

 


MË SHUME NGA Lajme