Komisioneri Shtetëror i Zgjedhjeve zhvilloi seancë publike për zbatimin e vendimit nr.27, datë 16.3.2023 të Komisionit të Ankimimeve dhe Sanksioneve” për Partinë Demokratike.

Në lidhje me regjistrimin e Partisë Demokratike, përfaqësuesi i PD-së Indrit Sefa kërkoi zbatimin e vendimit të Komisionit të Ankimimeve dhe Sanksioneve”.

Në fjalën e tij, Komisioneri Shtetëror i Zgjedhjeve, Ilirjan Celibashi tha se vendimi i Komisionit të Ankimimeve dhe Sanksioneve ngelet teknikisht për t’u zbatuar sepse është akti i një organi të parashikuar nga Kodi Zgjedhor për të vendosur për cështje të tilla dhe për sa kohë që KSA ka vendosur regjistrimin në zgjedhje si subjekt zgjedhor të Partisë Demokratike ngelet thjesht dhe vetëm aplikimi .

Ai vendosi regjistrimin si subjekt zgjedhor të Partisë Demokratike, me kryetar të komanduar të partisë Enkelejd Alibeajn në zgjedhjet e 14 majit 2023.