Qeveria miraton projektligjin për tatimet, përfshi faljet tatimore për 2023
BKT
Lajme

Qeveria miraton projektligjin për tatimet, përfshi faljet tatimore për 2023

F.Sertolli / RTKlive

Qeveria e Kosovës përmes një njoftimi për media ka bërë të ditur se këtë të premte ka miratuar projektligjin për ndryshimin dhe plotësimin e Ligjit për Tatimin në Pronën e Paluajtshme.

“Qëllimi i këtij Ligji është të sigurojë progresivitet të shkallës tatimore, lirim tatimor për vendbanimin parësorë dhe tokat bujqësore, faljet tatimore për vitin tatimor 2023 dhe rregullat kufizuese për aplikimin e detyrimit tatimor, dhe interesit”, thuhet në njoftim.

Po ashtu thuhet se Qeveria ka miratuar edhe tre vendime te tjera.

“Vendimin për ndryshimin dhe plotësimin e Vendimit të Qeverisë Nr. 03/111 të datës 7 dhjetor 2022.  Vendimin për ndryshimin dhe plotësimin e Vendimit të Qeverisë Nr. 01/23, të datës 8 prill 2020.- Vendimin për miratimin e Programit Kombëtar për Integrim Evropian 2023-2027”, thuhet në njoftim.

Sipas njoftimit programi është dokumenti kryesor Strategjik i Republikës së Kosovës për zbatimin e reformës për integrim në Bashkimin Evropian, i orientuar kah adoptimi aquis së BE-së në legjislacionin kombëtarë dhe zbatimin e tij.


MË SHUME NGA Lajme