08:38 / 09.04.2023
Rama uron Pashkët: Ditë që celebron dashurinë e pafundme dhe sakrificën
Besimtarët katolikë festojnë sot Pashkën, ndërsa nuk ka munguar një urim për këtë ditë edhe nga kryeministri i Shqipërisë, Edi Rama.
Në një postim në Facebook, Rama shkruan se dita e Ringjalljes së Krishtit celebron dashurinë e pafundme dhe sakrificën për njeriun.
“Mirëmëngjes dhe me ditën e Ringjalljes së Krishtit, që celebron dashurinë e pafundme dhe sakrificën për njeriun, ju uroj gëzuar Pashkën Katolike”, shkruan Rama.
Pashkët janë kremtimi më i madh në kalendarin liturgjik të Kishës Katolike dhe kishave të tjera të krishtera që shënon ringjalljen e Jezu Krishtit pas kryqëzimit.























