Bayerni e do yllin e ‘Tre Luanëve’ gjatë kësaj verë
BKT
Sport

Bayerni e do yllin e ‘Tre Luanëve’ gjatë kësaj verë

F.Bytyqi/RTKLive

Bayern Munich insiston që ta transferojë sulmuesin e Tottenhamit, Harry Kane.

‘Bavarezët’ sipas medieve britanike, synojnë që gjatë kësaj verë, të bëjnë të vetin yllin e ‘Tre Luanëve’.

Kapiteni i Anglisë është i shumëkërkuar pas një tjetër sezoni të shkëlqyer në nivel personal.

Kane, i cili shkëlqeu edhe në Kupën e Botës me Anglinë, nuk ka fituar asnjë trofe me ‘Spurs’.

Sipas ‘The Independent’, Bayern do të rivalizojë Manchester Unitedin në garën për nënshkrimin e Kane-s.

Kryetari i Spurs, Daniel Levy thuhet se do të preferonte shitjen e asit të tyre jashtë vendit në mënyrë që t’i ik rivalitetit në Premier League.

Ndryshe, Kane, i cili ka edhe një vit kontratë me Tottenhamin, dëshiron të përfundojë karrierën e tij si golashënuesi më i mirë i të gjitha kohërave në Premier League.