Kurti e Davenport diskutojnë për zgjedhjet në komunat e veriut
BKT
Foto: Qeveria e Kosovës
Lajme

Kurti e Davenport diskutojnë për zgjedhjet në komunat e veriut

M.Sh/RTKlive

Në më pak se një javë para mbajtjes së zgjedhjeve në Mitrovicë të Veriut, Zveçan, Leposaviq dhe Zubin Potok, kryeministri Albin Kurti takoi ambasadorin e OSBE-së në Kosovë, Michael Davenport, për t’u koordinuar për zgjedhjet në veri.

“Në takim u diskutua për zgjedhjet në katër komunat në veri të Kosovës dhe për fushat e përbashkëta të bashkëpunimit në mes të OSBE-së dhe Qeverisë së Kosovës”, thuhet në njoftimin e qeverisë.

Sipas njoftimit, kryeministri në këtë takim ka thekuar rëndësinë e mbajtjes së zgjedhjeve lokale edhe si obligim kushtetues e ligjor, por edhe si procedurë e legjitimitet demokratik për institucionet në shërbim të qytetarëve.

“Nevoja për funksionim normal të sistemit dhe institucioneve shtetërore e bënë të nevojshme mbajtjen e zgjedhjeve”, ka deklaruar kryeministri Kurti.


MË SHUME NGA Lajme